Inang Wayawaya

Nagragsaken a biag no adda wayawaya;

No dagiti umili ket awan dukdukot da.

Naragsak kas bigat agmalmalem a piesta;

Di agsarday a sipsipat ragragsak di agpatengga!

Ngem piman ni inang nakalkaldaang ti gasat na;

Narep-pet nga ima, napungo nga saka,

Naap-put a mata, napelpelan ti lapayag na,

Nabusan nga bibig – di pulos makapagsarita!

Ngem di ka agdamag ad-da kami nga an-nak mo;

Dakami nga mangmangged manalon ananamo.

Ebuam ta pusas, pugsaten ta kawar mo;

Ibando’t wayawaya, idir-i ti kinapudno!